Kisonono dalili huanza kuonekana baada ya mda gani?
Haya ni miongoni mwa Maswali ambayo wafuatiliaji wengi wa afyaclass huuliza, katika Makala hii tumetoa ufafanuzi juu ya Swali hili.
Dalili za kisonono zinaweza kuanza kuonekana kati ya siku 1 hadi 14 baada ya mtu kupata maambukizi. Hata hivyo, mara nyingi dalili huanza kuonekana kati ya siku 2 hadi 5 baada ya kuambukizwa.
Ni muhimu kufahamu kuwa watu wengine wanaweza kuwa na dalili tofauti au hata wasiwe na dalili kabisa, hivyo inashauriwa kufanya uchunguzi na kushauriana na daktari mara moja ikiwa una wasiwasi wowote kuhusu afya yako.
Dalili za Ugonjwa wa Kisonono
Dalili za kisonono zinaweza kutofautiana kati ya wanaume na wanawake. Hapa ni baadhi ya dalili za kisonono ambazo huweza kutokea mara kwa nara:
Kwa Wanaume:
1. Kutoa Usaha au ute wa rangi ya njano au kijani kutoka kwenye sehemu ya uume.
2. Kuvimba au kupata maumivu kwenye korodani.
3. Kuhisi maumivu au kuwaka moto wakati wa kukojoa.
4. Kuwa na hisia ya kuwashwa au kuungua wakati wa kukojoa.n.k
Kwa Wanawake:
1. Kutoa ute wa rangi ya njano au kijani kutoka ukeni.
2. Kupata Maumivu au kuvimba kwenye eneo la pelvic.
3. Kutokwa damu kati ya vipindi vya hedhi au baada ya tendo la ngono.
4. Kuwa na maumivu au usumbufu wakati wa kukojoa.n.k
NB: SOMA ZAIDI HAPA: Dalili za Ugonjwa wa Kisonono(Gono) kwa Wanaume na Wanawake.
Ni muhimu kutambua kuwa si kila mtu aliye na kisonono atakuwa na dalili. Baadhi ya watu wanaweza kuwa na maambukizi bila kuonyesha dalili yoyote.
Ikiwa una wasiwasi wowote kuhusu afya yako au unashuku kuwa unaweza kuwa na kisonono, ni vyema kushauriana na daktari kwa ushauri na uchunguzi.
AU KWA USHAURI ZAIDI,ELIMU AU TIBA TUWASILIANE KWA NAMBA +255758286584.
