Shirika la Afya Duniani linasema baadhi ya madaktari huko Gaza, Palestina wamekuwa wakifanya upasuaji, ikiwa ni pamoja na kukata viungo, bila ganzi.
Kufuatia shambulio la kikatili la wanamgambo wa Hamas dhidi ya Israeli mnamo Oktoba 7, 2023, na kuua watu 1400, Israel imeanzisha mashambulizi makubwa Gaza huku takriban watu 10,000 wakiripotiwa kuuawa.
Operesheni ya kijeshi ya Israel, pia imesababisha kuzuiwa kwa Maji, chakula, mafuta na madawa muhimu katika eneo hilo dogo.
msemaji wa WHO Christian Lindmeier alisema Jumanne wakati wa mkutano na waandishi wa habari huko Geneva, akisisitiza “mahitaji yao makubwa ni maji, mafuta, chakula na upatikanaji salama wa huduma za afya ili kuishi.”
Kiwango cha vifo na mateso ni “vigumu kueleweka,” aliongeza.
Lindmeier pia alisema kuwa takriban wahudumu wa afya 16 wameuawa wakiwa kazini, akisisitiza kuwa mashambulizi yoyote dhidi ya huduma za afya yamekatazwa na sheria za kimataifa za kibinadamu.
Shirika la Madaktari Wasio na Mipaka, pia linajulikana kama Médecins Sans Frontières, lilisema Jumanne kwamba mmoja wa wafanyakazi wenzake na baadhi ya wanafamilia wake waliuawa katika mlipuko katika kambi ya wakimbizi ya Al Shati.
