Hata kama unatumia dawa za Presha,hakikisha unapunguza matumizi ya chumvi.
Iwapo una shinikizo la juu la damu, huenda tayari unajua umuhimu wa kupunguza shinikizo hilo,Na tayari upo kwenye tiba ya dawa za kudhibiti presha yako, Lakini kwenye matumizi ya chumvi usiache kuzingatia kiwango chake.
Je kiwango chako cha presha kikoje? kipo sawa? ni sawa na 90/60 mm Hg na 120/90 mm Hg.
Shinikizo la damu ambalo lipo juu kwa muda mrefu sana linaweza kuongeza hatari kwako ya kupata magonjwa ya moyo na mishipa, ugonjwa wa figo, kupoteza uwezo wa kuona na matatizo wakati wa tendo.
Huenda pia umeshauriwa kufanya mabadiliko fulani ya mtindo wa maisha ikiwa ni pamoja na kula chumvi kidogo.
Ikiwa tayari unatumia dawa za kupunguza shinikizo la damu, unaweza kuwa unashangaa ni kiasi gani cha kupunguza chumvi kitasaidia.
Je, kuna umuhimu wa kupunguza ulaji wa chumvi hata wakati unatumia dawa?
Kulingana na utafiti mpya uliochapishwa mtandaoni kwenye jarida la JAMA, jibu la swali hili ni “ndiyo.” Waandishi wa utafiti huo wanasema kwamba kupunguza ulaji wako wa chumvi kwa kijiko 1 kila siku kunaweza kupunguza shinikizo la damu hata zaidi.
Kwa hakika, hatua hii rahisi inaweza kutoa matokeo sawa na dawa ya kawaida ya shinikizo la damu inayoitwa hydrochlorothiazide.
