Dozi milioni 18 za chanjo ya kwanza ya malaria zimetengwa kwa nchi 12 za Afrika kwa Mwaka 2023-2025: Gavi, WHO na UNICEF
Dozi milioni 18 za chanjo ya kwanza ya malaria zimetengwa kwa nchi 12 za Afrika kwa Mwaka 2023-2025: Gavi, WHO na UNICEF
Nchi zilizopo kwenye mpango huo wa chanjo ya Malaria “Malaria Vaccine Implementation Programme countries” ni nchi 12, Ghana, Kenya na Malawi zitapokea dozi ili kuendeleza chanjo katika maeneo ya majaribio.
Pia Mgao umetolewa kwa ajili ya utambulisho mpya nchini Benin, Burkina Faso, Burundi, Cameroon, Jamhuri ya Kidemokrasia ya Kongo, Liberia, Niger, Sierra Leone na Uganda.
Nchi 12 katika kanda mbalimbali barani Afrika zinatazamiwa kupokea dozi milioni 18 za chanjo ya kwanza kabisa ya malaria katika kipindi cha miaka miwili ijayo.
WHO: Utoaji wa chanjo hii ni hatua muhimu katika vita dhidi ya ugonjwa wa Malaria,Ugonjwa ambao ni mojawapo ya visababishi vikuu vya vifo barani Afrika.
Ugawaji wa chanjo hii ya Malaria umezingatia matumizi ya kanuni zilizoainishwa katika Mfumo wa ugawaji wa chanjo ya malaria ambao hutanguliza dozi hizo kwa maeneo yenye uhitaji mkubwa zaidi, ambapo hatari ya ugonjwa wa malaria na vifo miongoni mwa watoto ni kubwa zaidi.
Tangu Mwaka 2019, Ghana, Kenya na Malawi zimekuwa zikitoa chanjo ya malaria kupitia Mpango wa Utekelezaji wa Chanjo ya Malaria (MVIP), unaoratibiwa na WHO na kufadhiliwa na Gavi, Muungano wa Chanjo, Mfuko wa Kimataifa wa Kupambana na UKIMWI, Kifua Kikuu na Malaria, na Unitaid.
Chanjo ya RTS,S/AS01 imetolewa kwa zaidi ya watoto milioni 1.7 nchini Ghana, Kenya na Malawi tangu mwaka 2019 na imeonekana kuwa salama na yenye ufanisi, na hivyo kusababisha kupungua kwa malaria kali na kupungua kwa vifo vya watoto. Takriban mataifa 28 ya Afrika yameonyesha nia ya kupokea chanjo ya malaria.
Mbali na Ghana, Kenya na Malawi, mgao wa awali wa dozi milioni 18 utawezesha nchi nyingine tisa, zikiwemo Benin, Burkina Faso, Burundi, Cameroon, Jamhuri ya Kidemokrasia ya Kongo, Liberia, Niger, Sierra Leone na Uganda, kuanzisha chanjo katika programu zao za kawaida za chanjo kwa mara ya kwanza.
Awamu hii ya ugawaji hutumia usambazaji wa dozi za chanjo zinazopatikana kwa Gavi, Vaccine Alliance kupitia UNICEF. Dozi za kwanza za chanjo hiyo zinatarajiwa kuwasili katika nchi kwenye robo ya mwisho ya mwaka 2023, huku nchi zikianza kuzisambaza mapema mwaka 2024.
“Chanjo hii ina uwezo wa kuwa na matokeo makubwa katika vita dhidi ya malaria, na inapowekwa kwa upana pamoja na afua zingine, inaweza kuzuia maelfu ya vifo kwa siku zijazo kila mwaka,” alisema Thabani Maphosa,Mkurugenzi Mkuu(Managing Director of Country Programmes Delivery at Gavi, the Vaccine Alliance). “.
“Wakati tunafanya kazi na watengenezaji kusaidia kuongeza usambazaji, tunahitaji kuhakikisha kuwa dozi tulizo nazo zinatumika kwa ufanisi iwezekanavyo, ambayo inamaanisha kutumia mafunzo yote kutoka kwa programu zetu za majaribio tunapopanua hadi jumla mpya ya 12 nchi.”
Kwa Mujibu wa takwimu za Shirika la Afya duniani(WHO);
Malaria inasalia kuwa moja ya magonjwa hatari zaidi barani Afrika, ikiua karibu watoto nusu milioni chini ya umri wa miaka 5, na ikichukua takriban asilimia 95% ya visa vya malaria duniani na asilimia 96% ya vifo mnamo 2021.
