Je, kunywa chai kila siku kunaweza kupunguza hatari ya kisukari cha aina ya 2?
Je, kunywa chai kila siku kunaweza kupunguza hatari ya kisukari cha aina ya 2?(type 2 diabetes)
Aina ya pili ya kisukari ni tatizo kubwa la kiafya, huku maambukizi yakiongezeka duniani kote.
Aina ya 2 ya kisukari husababishwa kwa kiasi kikubwa na lishe na mitindo ya maisha isiyofaa na inahusishwa sana na kuzeeka, uzito kupita kiasi, na kunenepa kupita kiasi.
Mabadiliko ya mtindo wa maisha, kama vile kufanya mazoezi ya mwili na lishe bora yanaweza kupunguza hatari ya kupata kisukari cha aina ya 2.
Utafiti mpya unaonyesha kuwa kunywa chai mara kwa mara kunaweza pia kusaidia kudhibiti sukari kwenye damu na kupunguza hatari ya ugonjwa wa kisukari.
Aina ya 2 ya kisukari hutokea wakati mwili hauwezi kudhibiti viwango vya sukari kwenye damu, Sababu ni pale mwili huacha kuitikia ipasavyo insulini, homoni inayodhibiti sukari kwenye damu.
Kisukari cha aina ya 2 kisipodhibitiwa kinaweza kusababisha shinikizo la juu la damu, ugonjwa wa moyo na mishipa, kuharibika kwa neva, kupoteza uwezo wa kuona na kuharibika kwa figo n.k.
Hali hii kwa sasa inaathiri karibu watu milioni 462 ulimwenguni kote na idadi inaongezeka. Nchini Marekani pekee, zaidi ya watu milioni 37 wana kisukari, na milioni 96 wana prediabetes, hali ambayo viwango vya glukosi katika damu ni kubwa kuliko inavyopaswa kuwa, ambayo mara nyingi husababisha kisukari cha aina ya 2.
Mabadiliko ya mtindo wa maisha ndiyo njia bora zaidi ya kupunguza hatari ya kupata kisukari cha aina ya 2, na, pamoja na dawa, ili kudhibiti dalili za hali hiyo.
Madaktari wanapendekeza lishe bora, ikijumuisha mboga mboga kwa wingi, nafaka zisizokobolewa, protini na mafuta yenye afya kwenye moyo, pamoja na mazoezi ya mara kwa mara, na kudhibiti uzito wa mwili(BMI).
Uchunguzi kutoka China unapendekeza kuwa watu wanaokunywa chai mara kwa mara, hasa chai nyeusi, wanaweza kuboresha viwango vyao vya sukari kwenye damu na kupunguza upinzani wa insulini, hivyo kupunguza hatari ya kupata kisukari cha aina ya 2.
Utafiti huo, wa Chuo Kikuu cha Adelaide, Australia, na Chuo Kikuu cha Kusini Mashariki, Uchina, uliwasilishwa kwenye Mkutano wa Mwaka huu wa Jumuiya ya Ulaya ya Utafiti wa Kisukari (EASD), Hamburg (Okt. 2–6 Okt).
