Je! Unataka kuishi maisha marefu na yenye afya? Kupunguza kalori kunaweza kusaidia
Je! Unataka kuishi maisha marefu na yenye afya? Kupunguza kalori kunaweza kusaidia
Watafiti kutoka Taasisi ya Kitaifa ya Kuzeeka wamegundua kuwa kupunguza kiwango cha kalori huboresha afya ya misuli na huchochea njia za kibaolojia muhimu kwa ajili ya kukusaidia kuzeeka kwa afya.
Utafiti wa awali unaonyesha kuwa mbinu za kimaisha, kama vile kuendelea kufuata mlo bora, kufuata sheria za usafi,kulala,kutovuta sigara na kupunguza unywaji wa pombe kunaweza kusaidia watu kuishi maisha yenye afya kwa muda mrefu.
Sasa, watafiti kutoka Taasisi ya Kitaifa ya Kuzeeka wamegundua kuwa kupunguza kiwango cha kalori kinaweza kuboresha afya ya misuli na kuchochea njia za kibaolojia muhimu kwa kuzeeka kwa afya.
Utafiti wao ulionekana hivi majuzi katika jarida la Aging Cell.
Kinachozingatiwa zaidi ni kile kinachojulikana kama kizuizi cha Kalori.
Je,Kizuizi cha kalori ni nini?
Kizuizi cha Kalori ni mchakato wa kupunguza wastani wa kiasi cha kalori ambacho mtu angetumia kwa kawaida kwa siku bila kujinyima vitamini na madini muhimu anayohitaji ili kuendelea kuwa na afya njema.
Mtu kwa wastani anahitaji kati ya kalori 1,600 hadi 3,000 kwa siku, kulingana na jinsia yake, urefu, umri na kiwango cha shughuli anazofanya.
Mlo wenye vizuizi vya kalori hupunguza ulaji wa chakula kwa kati ya asilimia 20% hadi 40% huku ukiendelea kukidhi ulaji wa kila siku unaopendekezwa wa virutubishi muhimu.
Unapokula Lishe yenye kiwango kidogo cha kalori, ni muhimu kuzungumza na daktari au mtaalamu wa lishe kwanza kwani kupunguza kalori nyingi kunaweza kusababisha matatizo ya afya pia.
Kufunga mara kwa mara pia kunaweza kutumika kama njia mbadala ya vizuizi vya kalori kwa kuwa utafiti unaonyesha kuwa inatoa manufaa sawa,ingawa pata maelekezo kamili kwanza.
Kupunguza kalori kunawezaje kuboresha afya?
Kwa miaka mingi, watafiti wamesoma jinsi kizuizi cha kalori kinaathiri afya ya jumla ya mtu.
Tafiti za awali zinaonyesha ulaji wa kalori chache kila siku unaweza kusaidia kupunguza uzito na kuboresha afya ya moyo na mishipa.
Utafiti wa sasa pia sio wa kwanza kuhusisha kutumia kiwango kidogo cha kalori na mtu kuishi maisha marefu. Utafiti uliochapishwa Aprili 2016 uligundua kuwa vizuizi vya kalori husaidia kulinda mwili dhidi ya kuzeeka.
Zaidi ya hayo, utafiti uliochapishwa mnamo Septemba 2017 uliripoti kuwa kizuizi cha kalori kinaweza kusababisha mabadiliko chanya katika genes inayohusishwa na kuzeeka.
Na utafiti uliochapishwa mnamo Februari 2022 uligundua kuwa kufuata lishe yenye vizuizi vya kalori kunaweza kusaidia kuongeza “muda wa mtu kuishi maisha yenye afya”.
