Mama mmoja ameshtakiwa kwa kuua bila kukusudia kwenye tukio la moto kuunguza nyumba kusini mwa London,Moto huo uliua watoto wanne wachanga.
Watoto wanne mapacha ambao ni ndugu – Leyton na Logan Hoath, wenye umri wa miaka mitatu, na Kyson na Bryson Hoath, wenye umri wa miaka minne – waliuawa baada ya moto kuzuka katika eneo la Collingwood Road, Sutton, tarehe 16 Desemba 2021.
Mama yao, Deveca Rose, mwenye umri wa miaka 29, sasa ameshtakiwa kwa makosa manne ya kuua bila kukusudia na kuwatelekeza watoto wake.
Atafikishwa katika Mahakama ya Croydon Jumatatu, ya Leo Desemba 11.
Huduma za dharura zilikuwa zimeitishwa kwenye nyumba hiyo yenye mtaro,mwendo wa saa saba usiku, lakini licha ya juhudi kubwa za waokoaji, watoto hao wanne walitangazwa kufariki baada ya kupelekwa hospitalini.
Katika taarifa iliyotolewa kwenye Mail Online, baba yao, Dalton Hoath, alisema: “Mimi na familia yangu tumesikitishwa sana na msiba huu mzito.
“Walikuwa wavulana wachanga, wanaojali, wanaopendwa, lakini zaidi ya yote wana, kaka, wajukuu, vitukuu, wapwa na binamu.
“Tungependa kuwashukuru huduma zote za dharura ambao walifanya mengi kujaribu kuokoa wavulana wetu, na pia jamii ya wenyeji ambao wamekusanyika pamoja wakati huu mgumu.”
Katika chapisho kwenye Facebook, babu yao wa baba, Jason Hoath, aliandika: “Nimehuzunishwa kusema kwamba moto mbaya wa nyumba uliotokea huko Sutton jana usiku na kusababisha watoto wanne kupoteza maisha walikuwa wajukuu wangu wa ajabu na wazuri.
Msemaji wa Polisi wa Metropolitan alisema: “Maafisa wanaelewa athari kubwa kwa jamii ya eneo hilo kufuatia tukio hili mbaya, na wangependa kuwahakikishia watu kwamba uchunguzi huu mgumu sana unaendelea, ukiungwa mkono na mashirika washirika ikiwa ni pamoja na Huduma ya Mashtaka ya Crown na Kikosi cha Zimamoto cha London.
“Ni muhimu kwamba hakuna nyenzo au maoni yoyote yanayochapishwa au kushirikiwa mtandaoni ambayo yanaweza kuathiri kesi za siku zijazo.”
