Msiba: baba amuua binti yake wa mwaka mmoja wakati akienda dukani kwa kumgonga na gari Yake
Msiba: baba amuua binti yake wa mwaka mmoja wakati akienda dukani kwa kumgonga na gari Yake.
Mtoto mdogo amekufa baada ya babake kumgonga kwa bahati mbaya akiwa ndani ya gari lake aina ya SUV alipokuwa akienda kwenye duka kuu kununua mboga,
Rishhwika Salibindla mwenye umri wa mwaka 1 alifariki baada ya babake Joseph Reddy Salibindla kumgonga bila kujua, kaskazini-magharibi mwa Sydney, kabla ya saa kumi na moja unusu jioni siku ya Ijumaa, Januari 12.
Bwana Salibindla alikuwa ameingia kwenye gari lake aina ya Audi SUV ili kwenda kununua mboga kwenye duka lake kuu la mtaani, bila kujua kwamba binti yake alikuwa amemfuata nje ya mlango.
Kisha akamgonga msichana huyo kwani hakujua alikuwa nyuma ya gari, kabla ya kutoka nje ya gari na kumkuta akiwa ametapakaa damu.
Mkewe Bw Salibindla Sravanthi Thirumalareddy na wana wawili wa wanandoa hao waliokuwa ndani ya nyumba ya familia hiyo wakati wa kisa hicho walikimbia nje kufuatia kisa hicho cha kutisha.
Bw Salibindla alijaribu kumweka Rishhwika hai hadi wafanyakazi sita wa ambulensi kutoka NSW Ambulance Service walipofika kwenye eneo la tukio.
Msichana huyo baadaye alikufa kutokana na majeraha yake.
