Mwanamke mmoja mjamzito akutwa na seti mbili za mapacha wanaofanana kwa wakati mmoja
Mwanamke mmoja mjamzito akutwa na seti mbili za mapacha wanaofanana kwa wakati mmoja.
Mwanamke mwenye umri wa miaka 23 mjamzito agunduliwa kuwa na seti mbili za mapacha wanaofanana kwa wakati mmoja(Jumla ya Watoto Wanne tumboni).
Wazazi, Ebony Apps mwenye umri wa miaka 23, na Jayden mwenye umri wa miaka 21, ambao wanatoka Kempsey, New South Wales, Australia, walibaki na mshangao walipogundua kwamba walikuwa wakitarajia watoto wanne kwa wakati mmoja.
Akiwa na mimba mbili zilizoharibika kabla ya ugunduzi huo, Ebony alikiri nusura ‘azimie’ alipoambiwa.
Aliongeza: ‘Jayden hakuwa na maneno. Hakuna kitu ambacho kinaweza kukutayarisha kwa habari hiyo.’
Wanandoa hao, ambao walikuwa wakijaribu sana kupata mimba, waligundua kuwa walikuwa wamefanikiwa mnamo Septemba mwaka jana.
Baada ya kupata tatizo la Mimba kuharibika mara mbili hapo awali, Ebony alifurahi kuwa mjamzito tena.
Wazazi watarajiwa waliamini kuwa walikuwa wakikaribisha seti moja ya mapacha wanaofanana ulimwenguni baada ya kuhudhuria uchunguzi wao wa kwanza kliniki.
Lakini walipoenda kwa uchunguzi wao wa pili mnamo Oktoba 26, daktari alitoa habari hiyo ya kushtua, akifichua kuwa walikuwa seti mbili za mapacha wanaofanana kwa wakati mmoja.
“Tulienda kupima ultrasound tukitarajia mtoto mmoja tu, kisha tukaambiwa ni mapacha,” alisema
‘Kisha katika uchunguzi wetu wa pili, tuliambiwa tulikuwa na watoto wanne ambao walikuwa seti mbili za mapacha wanaofanana.’
Kulingana na daktari, alisema “mimba ya mama mjamzito huyu ni nadra kutokea kuliko mimba zingine, kwani amebeba seti mbili za mapacha wanaofanana”.
“Daktari wetu alituambia kuwa mimba za watoto wanne ni karibu mimba moja kati ya 700,000, na kuwa na ujauzito wa seti mbili za mapacha wanaofanana ni nadra zaidi.
‘Muuguzi alisema kuwa katika uzoefu wake wa miaka 30, hajawahi kuona hili likitokea.’
Kulingana na CNN, uwezekano wa kupata seti mbili za mapacha wanaofanana katika mimba ya watoto wanne ni mmoja kati ya milioni 70.
Ebony alikiri nusura azimie aliposikia matokeo – na mpenzi wake Jayden alishtuka sana hakuweza kuzungumza.
“Sote wawili tuliingia katika hali ya mshtuko mkubwa na tulikuwa na wasiwasi sana kuhusu jinsi tutakavyowajali na kuwahudumia watoto wanne waliozaliwa, lakini najua kwamba tutalisimamia.”
