UGONJWA WA BAWASIRI,CHANZO,DALILI NA TIBA YAKE
Ugonjwa wa Bawasiri kwa kitaalam Hemorrhoid (pia huitwa piles) ni kuvimba na kutuna kwa mishipa kwenye mfereji wa Njia ya haja kubwa ambayo husaidia katika utoaji wa kinyesi.
AINA ZA BAWASIRI(HEMORRHOIDS)
- Bawasiri ya ndani
- Bawasiri ya nje
Haijulikani ni nini husababisha bawasiri, lakini mara nyingi Wataalam wa afya huzungumzia sababu kuu kadhaa. Sababu hizi ni pamoja na;
➡️ kuvimbiwa sugu,Kupata Choo Kigumu au kuharisha, kukaa kwenye choo kwa muda mrefu wakati wa haja kubwa.
➡️ Bawasiri au Hemorrhoids pia inaweza kuonekana kwa sababu ya michezo ambayo watu hucheza mfano kunyanyua Vyuma au vitu vizito, Wakati kitu kizito kinapoinuliwa, shinikizo la ziada linatumika kwenye eneo hilo hivo kuweza kuchangia tatizo hili.
➡️ Wanawake wako katika hatari ya kuwa na bawasiri wakati wa ujauzito. Hii pia hutokea kwa sababu ya kuongezeka kwa shinikizo la kutoka kwa mtoto. Bawasiri ina uwezekano mkubwa wa kuongezeka kwa sababu tishu inakuwa dhaifu.
➡️ Watu wengine wana uwezekano mkubwa wa kupata bawasiri ikiwa wapo kwenye familia ambazo wengine wanao.
?DALILI ZA KUWEPO KWA UGONJWA WA BAWASIRI
➖ Dalili za bawasiri ni pamoja na kuwashwa kwenye njia ya haja kubwa, kutokwa na damu, uvimbe au kutokeza kwa nyama sehemu ya haja kubwa,hisia ya kuchomwa au kuhisi kama mchanga sehemu ya Haja kubwa.
➖ Wagonjwa pia wanalalamika juu ya usumbufu wa jumla wakiwa wamekaa, kuhisi uwepo wa kitu ndani ya njia ya haja kubwa.
➖ Bawasiri au Hemorrhoids za ndani zinaweza kusababisha kutokwa na damu isiyo na uchungu kwenye njia ya haja kubwa, wakati hemorrhoids za nje zinaumiza. Hemorrhoids ya nje iko nje ya njia ya haja kubwa.
➖ Uwepo wa kitu kama donge la rangi ya hudhurungi sehemu ya Haja kubwa.Lakini wakati mwingine hemorrhoids za ndani pia zinaweza kuwa chungu sana.
➖ Kumbuka maumivu katika eneo la njia ya haja kubwa yanaweza kusababishwa na sababu nyingine nyingi kama vile;
- tatizo la michubuko kwenye njia ya haja kubwa,
- fistula ya njia ya haja kubwa au proctitis n.k.
?UTAMBUZI WA UGONJWA WA BAWASIRI
Bawasiri au Hemorrhoids hugunduliwa na daktari au wataalam wa afya. Uchunguzi wa kuona sehemu na Njia ya haja kubwa kwa undani lazima ufanyike. katika kufanya uchunguzi wa rectal ambao utasaidia kugundua bawasiri ya ndani, uvimbe, polyps, au jipu.
Uchunguzi wa kuona kawaida huhitaji kifaa maalum, kinachoitwa anoscope kuingizwa kwenye njia ya haja kubwa. Utaratibu huu hauna maumivu isipokuwa ugonjwa mwingine umewasilishwa.
? MATIBABU YA UGONJWA WA BAWASIRI
Matibabu ya bawasiri au hemorrhoids yanaweza kufanywa nyumbani au hospitalini. Kawaida, chaguo bora ni kuzuia kupata. Moja ya vitu Muhimu ni pamoja na kuongeza unywaji wa Maji mengi na ulaji wa vyakula au matunda yenye asili ya nyuzi nyuzi.
? Hii inamaanisha kula matunda zaidi, mboga mboga, na nafaka nzima. Watu wengi hawapati Fibers au nyuzi za kutosha katika lishe yao. Katika hali kama hiyo, virutubisho vya nyuzi, kama vile psyllium au methylcellulose, vinaweza kuwa na faida.
? Pia ni muhimu kuongeza unywaji wa maji ya kutosha na kudumisha unyevu. Inashauriwa kunywa glasi sita hadi nane za maji kwa siku ili kusaidia katika hali hii.
KWA USHAURI ZAIDI/ELIMU/TIBA TUWASILIANE KWA NAMBA +255758286584
