Takriban wagonjwa 450 wanaweza kuwa wameambukizwa VVU pamoja na Homa ya Ini kutokana na utumiaji mbaya wa dawa za IV

Takriban wagonjwa 450 katika Hospitali ya Salem huko Massachusetts, Marekani wanaweza kuwa wameambukizwa hepatitis B, hepatitis C, na VVU kutokana na usimamizi usiofaa pamoja na utumiaji mbaya wa dawa zao zinazopitishwa kwa njia ya mishipa yaani IV, hospitali hiyo ilitangaza.

Wagonjwa wanaofanyiwa uchunguzi katika hospitali hiyo, iliyoko maili 20 kaskazini-mashariki mwa Boston,  huenda walikuwa wameambukizwa kwa muda wa miaka miwili, kulingana na taarifa kutoka Hospitali ya Salem.

Taratibu za endoscopy hutokea wakati daktari anaingiza chombo kinachofanana na bomba ndani ya mwili ili kutazama ndani,

Aina za endoscopy ni pamoja;

• bronchoscopies,
• colonoscopies,
• pamoja na laparoscopies.

Hospitali ya Salem ilisema wagonjwa wanaweza kuwa wamewekwa kwenye mazingira hatarishi wakati wa kupewa dawa za IV “kwa njia isiyolingana na taratibu bora za afya.”

Hospitali hiyo ilisema ilifahamu matukio hayo mwanzoni mwa mwaka huu na kwamba ilirekebisha tabia hiyo na kutoa taarifa kwa timu zake za kudhibiti ubora na udhibiti wa maambukizi.

Hakuna maelezo mahususi yaliyotolewa na maafisa wa hospitali kuhusu jinsi tukio hilo lilivyotokea au jinsi lilivyosahihishwa.

Hospitali ya Salem ilisema imekuwa ikifanya kazi na Idara ya Afya ya Umma ya Massachusetts tangu kujifunza juu ya taarifa hii mpya, “tumeamua kuwa hatari ya kuambukizwa kwa wagonjwa kutokana na tukio hili ni ndogo sana,” taarifa hiyo ilisoma.

“Hospitali ya Salem imewajulisha wagonjwa wote wanaoweza kuathiriwa, imeweka simu ya dharura ya wafanyakazi wa kliniki kujibu maswali, na tunawapa uchunguzi wa bure na usaidizi wowote muhimu,” taarifa hiyo iliendelea.

“Hakuna ushahidi hadi sasa wa maambukizi yoyote kutokana na tukio hili.”

Idara ya Afya ya Umma ya Massachusetts iliiambia ABC News ilifanya uchunguzi kwenye hospitali hiyo na kufanya kazi na timu ya kudhibiti maambukizi ili kudhibiti hali hiyo.

“DPH ilishauri hospitali kuwaarifu wagonjwa wote walioathiriwa kwa maandishi kuhusu uwezekano wa kuambukizwa na vijidudu vya damu na kutoa huduma ya ufuatiliaji bila malipo, ikiwa ni pamoja na kupima,” idara hiyo ilisema.

Msemaji wa Mass Brigham – ambayo inamiliki Hospitali ya Salem — aliiambia ABC News kwamba vipimo vya hepatitis B, hepatitis C, na VVU ni vipimo vya viwango ambavyo huweza kugundua ikiwa mtu kaambukizwa kwa aina hii.

Msemaji huyo pia alisisitiza kuwa kuna hatari ndogo ya kuambukizwa na ikiwa wagonjwa hawajajulishwa, hawana haja ya kuwa na wasiwasi.

“Usalama wa wagonjwa wetu ndio kipaumbele chetu cha juu zaidi, na tumechukua hatua nyingi za kurekebisha ili kukabiliana na tukio hili,” taarifa kutoka kwa Mass Brigham iliendelea.

“Tunaomba radhi kwa wale ambao wameathiriwa, na tunasalia kujitolea kutoa huduma ya afya ya hali ya juu, yenye huruma kwa jamii yetu.”