TATIZO LA KUVIMBA MIGUU,CHANZO,DALILI NA MATIBABU
➡️ Ombeni Mkumbwa
Tatizo la Uvimbe wa miguu na vifundo vyake ni shida ya kawaida sana kutokea haswa kawa watu ambao umri umeenda au wazee,japo siku hizi ni tatizo ambalo huweza kutokea kwa kila mtu. Mkusanyiko usiokuwa wa kawaida wa giligili kwenye vifundo, na miguu, ndyo tunasema ni Uvimbe au kwa kitaalam huitwa edema.
Yaliyomo:(1) Utangulizi wa Tatizo (2) Visababishi vya kuvimba miguu (3) Utambuzi wa Tatizo la kuvimba miguu (4) Vipimo vya tatizo (5) Dalili za hatari zinazotaka ufumbuzi wa haraka (6) Tiba na maelekezo yake
?VISABABISHI VYA TATIZO LA KUVIMBA MIGUU
- Kuwa na uzito mkubwa au uliopitiliza huweza kusababisha miguu kuvimba
- Kuwa na Mkusanyiko wa damu na maji(Fluid retention) sehemu moja kwenye mguu
- Kuwa na umri mkubwa au Mzee
- Kuambukizwa kwa magonjwa ya miguu ambayo huathiri kusukuma damu vizuri
- Kukaaa kwa Mda Mrefu sehemu Moja Mfano wakati wa Safari Ndefu,watu wengi hupata tatizo la kuvimba miguu
- kupata matatizo au magonjwa ya moyo
- Upasuaji unaojumuisha mguu, au kifundo cha mguu huweza kusababisha uvimbe.
- Uvimbe unaweza pia kutokea baada ya upasuaji wa Njonga au pelvic,
- Uwepo wa tatizo la saratani. N.k
- Kusimama kwa muda mrefu, mara nyingi husababisha uvimbe kwenye miguu na vifundoni.
- Uvimbe unaweza kutokea kwa wanawake kama WAJAWAZITO au wakati Flani katika mzunguko wa hedhi. Wanawake wengi wana uvimbe wakati wa ujauzito. Uvimbe wa miguu kupita kiasi wakati wa ujauzito inaweza kuwa ishara mojawapo ya Ugonjwa wa kifafa cha Mimba preeclampsia (pia huitwa toxemia)
- Miguu kuvimba inaweza kuwa ishara ya kushindwa kwa moyo, figo kushindwa, au ini kushindwa.
- Dawa zingine pia zinaweza kusababisha miguu yako kuvimba:
?JINSI YA KUGUNDUA UWEPO WA TATIZO LA KUVIMBA MIGUU
Wataalam wa afya au Daktari wako atachukua historia ya matibabu na kufanya uchunguzi kamili wa mwili, akizingatia moyo wako, mapafu, tumbo, nodi za limfu, na miguu.
Utaulizwa maswali kama haya yafuatayo:
➖ Sehemu gani za mwili zinavimba? miguu? Juu ya goti au chini?
➖ Je! Una uvimbe wakati wote au hutokea wakati wa safari,umekaa,umesimama mda mrefu,asubuhi au jioni?
➖Ni nini ukikifanya uvimbe wako hupungua au kuisha?
➖ Ni nini kinachofanya uvimbe wako kuongezeka zaidi?
➖Je! Uvimbe unapungua wakati unainua miguu yako?
➖ Je! Una dalili gani zingine?
Uchunguzi ambao unaweza kufanywa ni pamoja na yafuatayo:
– Vipimo vya damu kama vile CBC au kemia ya damu
– X-ray ya kifua au eksirei ya ncha
– ECG
– Uchunguzi wa mkojo
Vipimo hivo vitakusaidia kujua sababu ya uvimbe. Matumizi ya dawa aina za Diuretics inaweza kusaidia kupunguza uvimbe.
? UKIONA VIASHIRIA KAMA HIVI HAPA CHINI TAFTA MSAADA WA HARAKA
(1) Unajisikia kukosa pumzi.
(2) Una maumivu ya kifua, haswa ikiwa unahisi kama shinikizo au kubana.
(3) Una ugonjwa wa moyo au ugonjwa wa figo na uvimbe unazidi kuwa mbaya.
(4) Una historia ya ugonjwa wa ini na sasa una uvimbe kwenye miguu yako au tumbo.
(5) Mguu wako umevimba na unabadilika rangi na kuwa mwekundu au unakuwa na moto sana ukiushika.
(6) Unavimba Mguu na Unapata homa.
(7) Wewe ni mjamzito na miguu umevimba kupita kiasi.
☑️ MATIBABU YA TATIZO LA KUVIMBA MIGUU
-‘Inua miguu yako juu wakati umelala chini. Zoezi hili husaidia kusukuma maji kutoka kwenye miguu yako kurudi sehemu ya juu ya mwili wako,hivo kuondoa Uvimbe miguuni
– Fuata mashariti ya matumizi ya lishe au chakula ambacho hakina chumvi nyingi,hii inaweza kupunguza mkusanyiko wa maji na uvimbe.
– Vaa soksi maalumu (zinauzwa katika maduka mengi ya dawa na matibabu).
– Wakati wa kusafiri,mara nyingi jitahidi uwe unasimama na kuzunguka mara kwa mara
– Epuka kuvaa mavazi ya kubana au garters karibu na mapaja yako.
– Punguza uzito ikiwa inahitajika
– Epuka matumizi ya dawa zozote unazofikiria zinaweza kusababisha uvimbe bila kwanza kuzungumza na daktari wako au wataalam wa afya.
– Pia Tiba zingine kama Dawa,Upasuaji n.k,Huendana na sababu au chanzo cha Tatizo hili la miguu kuvimba,hivo nenda hosptal kwanza fanya vipimo,kisha pata tiba zingine sahihi kwako.
KWA USHAURI ZAIDI/ELIMU/TIBA TUWASILIANE KWA NAMBA +255758286584
