Ghana na Nigeria zote zimeidhinisha chanjo mpya ya malaria mwezi huu.
Chanjo mpya ya malaria imeidhinishwa katika nchi mbili, na zingine zinaweza kufuata.
Inakadiriwa kuwa watu 619,000 walikufa kwa ugonjwa wa malaria mnamo 2021, kwa idadi ya hivi karibuni ya kila mwaka. Chanjo mbili mpya zinaweza kusaidia kulinda watoto wadogo.
Ghana na Nigeria zote ziliidhinisha chanjo mpya ya malaria mwezi huu, Hii ni hatua muhimu katika mapambano dhidi ya ugonjwa unaoua zaidi ya watu 600,000 kila mwaka.
Angalau nchi nyingine 10 za Afrika zinakagua data za majaribio ya chanjo hyo, kulingana na Shirika la Afya Ulimwenguni(WHO), kwa hivyo idhini zaidi ya kutumia chanjo hyo inatarajiwa katika wiki zijazo.
Chanjo hiyo, iliyotengenezwa na watafiti katika Chuo Kikuu cha Oxford, ni ya pili kupatikana kwa umma,
Chanjo ya kwanza, inayoitwa Mosquirix kutoka kwa mtengenezaji wa dawa GSK, imekuwa ikisimamiwa kupitia mpango wa majaribio nchini Kenya, Ghana na Malawi tangu 2019.
Chanjo hiyo mpya ni chanjo ya kwanza ya malaria kuidhinishwa nchini Nigeria, ambayo vifo vyao kutokana na ugonjwa huo ni asilimia 31% ya jumla ya vifo vyote dunia nzima.
“Ni habari njema,” alisema Dyann Wirth, profesa wa magonjwa ya kuambukiza katika Chuo Kikuu cha Harvard T.H. Chan School of Public Health, akiongeza, “Chanjo hizi zinaweza kuokoa maisha na kuokoa watu kulazwa hospitalini, kupunguza athari za ugonjwa huo kwa watoto wadogo walio hatarini zaidi.”
Takriban watu 619,000 walikufa na ugonjwa wa malaria mnamo 2021, kwa takwimu za kila mwaka zilizopatikana, na asilimia 96% ya vifo hivyo vilitokea barani Afrika, kulingana na WHO. Ugonjwa huu husababishwa na vimelea vinavyoenea kwa binadamu kwa kuumwa na mbu.
