Steve Wozniak, mwanzilishi mwenza wa kampuni maarufu ya teknolojia, Apple, ameripotiwa amelazwa katika hospitali ya Mexico City Jumatano, Novemba 8, baada ya kupata kiharusi.
Kulingana na ripoti ya CNBC, mwanasayansi huyo mwenye umri wa miaka 73 na mjasiriamali wa teknolojia alipangwa kushiriki katika tukio la Kongamano la Biashara Ulimwenguni katika kitongoji cha Santa Fe, mji mkuu wa Mexico.
Wozniak alikamilisha hotuba yake katika hafla hiyo lakini baadaye alimfahamisha mkewe kuwa “anahisi tofauti”. Mkewe alisisitiza kwamba atafute matibabu.
Ingawa maelezo hayajaeleweka, TMZ inaripoti kwamba Wozniak anaweza kuwa na tatizo la vertigo; hali inayoambatana na kizunguzungu na matatizo ya usawa.(condition characterized by dizziness and balance problems).
Mnamo mwaka 1976, Wozniak alianzisha kampuni ya Apple Computer, pamoja na Steve Jobs, Mkurugenzi Mtendaji wa muda mrefu wa Apple ambaye alikufa mnamo 2011.
Biashara yao ilianzisha kompyuta binafsi na ikawa kampuni yenye thamani zaidi duniani, inayojulikana kwa muundo na utendakazi wa anuwai ya vifaa vya elektroniki vya watumiaji, pamoja na kompyuta za mkononi na za mezani, na simu ya rununu ya iPhone.
