Mwimbaji Darlyn Morais afariki akiwa na umri wa miaka 28 baada ya kung’atwa na Buibui
Mwimbaji wa Brazil, Darlyn Morais amefariki dunia baada ya kung’atwa usoni na buibui,
Morais aliugua baada ya kung’atwa na buibui nyumbani kwake kaskazini mashariki mwa jiji la Miranorte mnamo Oktoba 31.
Binti yake wa kambo mwenye umri wa miaka 18 pia aliumwa na buibui na kwa sasa amelazwa hospitalini na hali yake inaendelea vizuri, mke wa Morais Jhullyenny Lisboa alikiambia Chombo cha habari cha Brazil G1.
Lisboa alisema kuwa Morais alipata uchovu wa mwili na kwamba rangi eneo la michubuko usoni mwake ilianza kubadilika kutokana na kuumwa.
Morais alipata athari za mzio/allergies baadaye na alitembelea hospitali moja huko Miranorte, ambapo alitibiwa na kuruhusiwa Ijumaa.
“Alihisi udhaifu katika mwili wake na uso wake ulianza kuwa giza siku hiyo hiyo (Oktoba 31),’ Lisboa alisema. ‘Alikwenda hospitali na kulazwa katika Hospitali Kuu ya Palmas Jumapili hii.’
Morais aliimba forró, aina maarufu ya muziki katika eneo la kaskazini-mashariki mwa Brazili ambayo msingi wake ni mchanganyiko wa accordion, zabumba, pamoja na metal triangle.
“Kila mara alizungukwa na marafiki na ilikuwa sababu ya kumsherehekea,” binamu yake, Wesleya Silva, aliiambia G1. ‘Daima ilikuwa ni furaha sana na kutabasamu kwa kila mtu kuwa karibu naye. Mmiliki mwenye moyo mkuu, daima akiwasaidia watu walio karibu naye.’
Morais, ambaye alikuwa na msichana wa miaka sita na mvulana wa mwaka mmoja na mkewe, alikuwa akipanga onyesho la moja kwa moja mnamo Januari 2024 ambalo lingerekodiwa na kutolewa kwenye DVD, rafiki yake, Samuel Zhytor, aliiambia G1.
“Siku zote alipendwa sana hapa katika Ukanda huu,” Zhytor alisema. ‘Mara zote alinipa fursa nyingi ndani na nje ya jimbo.’
