Mwanamke na watoto wake wanne wapatikana wamekufa ghorofani wakati huo polisi wanamkamata baba yao.
Baba wa watoto wanne, ambaye aliwahi kuchunguzwa kwa vitendo vya unyanyasaji katika familia yake, amekamatwa Jumanne, Desemba 26, baada ya watu watano akiwemo mkewe na watoto wake wanne kupatikana wakiwa wamekufa kwenye nyumba ya familia siku ya Krismasi, Desemba 25, , 2023.
Watoto wanne walikuwa miongoni mwa waliofariki katika mauaji hayo yanayoonekana kuwa makubwa huko Meaux, kaskazini mashariki mwa Paris.
“Miili mitano ilipatikana – Mwanamke mmoja, na watoto wake;wavulana wawili na wasichana wawili – na kusababisha uchunguzi wa mauaji yao,” mwendesha mashtaka wa eneo hilo Jean-Baptiste Bladier alisema Jumanne.
“Mshukiwa mkuu ni babake, mwenye umri wa miaka thelathini na tatu, ambaye alipatikana Jumanne kwenye nyumba iliyo karibu, baada ya kukimbia.”
Data ya eneo kwenye simu yake ilifichua kuwa mwanamume huyo aliondoka kwenye orofa ya familia mwendo wa saa 8.07 usiku wa Siku ya Krismasi.
Watoto waliokufa – wenye umri wa miaka 10, saba, minne na miezi tisa – wote walikuwa ndani ya gorofa ya familia, na mama yao.
Wala mshukiwa, wala waathiriwa, bado hawajatajwa na mamlaka ya Ufaransa.
“Kulikuwa na idadi kubwa sana ya majeraha ya visu kwenye pande za mbele na nyuma, kwenye shina, miguu ya chini na ya juu pamoja na majeraha,” alisema Bw Bladier.
“Waathiriwa wengine wawili, mvulana wa miaka minne na mtoto wa miezi tisa, hawakuwa na majeraha yoyote,” alisema Bw Bladier.
Hii ilisababisha nadharia ya mapema kwamba walikufa kutokana na kuzama au kukosa hewa, alisema mwendesha mashtaka.
Mtu aliyekamatwa tayari alikuwa anajulikana kwa vitendo vya “unyanyasaji wa nyumbani na kwa kusumbuliwa na magonjwa ya akili,” kilisema chanzo kingine cha uchunguzi.
Mnamo 2019 alichunguzwa kwa vitendo vya unyanyasaji wa nyumbani, pamoja na kumshambulia mkewe kwa kisu.
