Madhara ya Pombe kwa Mama mjamzito
Matumizi ya pombe wakati wa ujauzito yanaweza kuwa na madhara makubwa na ya muda mrefu kwa mtoto anayekua. Hapa kwenye makala hii kuna baadhi ya madhara yanayojulikana, ambapo huweza kutokea ukinywa Pombe kipindi cha Ujauzito.
MADHARA YA POMBE KWA MJAMZITO
Kuna madhara makubwa sana ya Utumiaji wa Pombe wakati wa Ujauzito,na Madhara hayo ni Pamoja na Haya yafuatayo;
~ Mimba kuharibika,
Mtumiaji wa Pombe wakati wa Ujauzito ana hatari kubwa ya Kupata tatizo la Mimba kuharibika kabla hata hajajifungua, na hii huchangiwa kwa kiasi kikubwa na machemical yaliyopo kwenye pombe au hata hatari za kudondoka wakati ukiwa umelewa
~ Kuzaa mtoto mwenye Uzito mdogo sana ambapo kitaalam Huitwa Low Birth weight (LBW),
Asilimia kubwa ya wakina mama ambao hunywa pombe kipindi cha Ujauzito huzaa watoto wenye uzito mdogo sana, na mara nyingi watoto hawa wanakuwa wadhaifu kupita kiasi.
~ Fahamu pia pombe huadhiri ubongo kwa kiasi kikubwa hasa katika Maswala ya kumbumbuku,
Hivo pia mama anayetumia pombe wakati wa Ujauzito huweza kuleta athari katika ubongo wake pamoja na Ubongo wa mtoto pia,na kumfanya mtoto aliyezaliwa kutokuwa na uwezo mkubwa wa kutunza kumbukumbu,Hivo kuwa tatizo kubwa katika maisha yake hata katika Swala la Elimu pia.
~ Maumivu makali ya Tumbo,
Maumivu makali ya Tumbo huweza kutokea pia kwa Mama Mjamzito anayetumia pombe katika kipindi hicho.
– Uharibifu wa Kijusi ambao kitaalam hujulikana kama (Fetal Alcohol Spectrum Disorders – FASDs):
Hili ni kundi la matatizo yanayotokea kwa mtoto aliyeathirika na pombe wakati wa ujauzito. Inaweza kujumuisha matatizo ya kimwili, tabia, na ya kujifunza.
– Ukuaji duni au Mtoto kudumaa:
Pombe inaweza kuingilia kati ukuaji wa kawaida wa mtoto tumboni, ikisababisha uzito mdogo wa kuzaliwa au ukuaji duni.
– Matatizo ya akili na kujifunza:
Watoto walioathirika na pombe wakati wa ujauzito wanaweza kupata shida katika kujifunza, kutunza kumbukumbu, umakini, na uwezo wa kutatua matatizo.
– Matatizo ya tabia:
Watoto hao wanaweza kuonyesha matatizo ya tabia kama vile hyperactivity, matatizo ya mawasiliano ya kijamii, na uwezekano mkubwa wa matatizo ya afya ya akili baadaye maishani.
– Dysmorphia ya Uso:
Watoto wanaweza kuwa na sifa za uso zisizo za kawaida kama vile macho madogo, midomo miyembamba, na pua iliyoinama.
– Matatizo ya moyo:
Pombe inaweza kusababisha kasoro za moyo na mishipa ya damu.
– Kuathiri ukuaji wa ubongo:
Pombe inaweza kusababisha ukuaji usio kamili wa ubongo, ambao unaathiri uwezo wa mtoto katika nyanja mbalimbali za maendeleo.
– Matatizo ya kuona na kusikia:
Watoto wanaweza kupata matatizo ya kuona na kusikia kutokana na athari za pombe.
– Kujifungua kabla ya wakati:
Matumizi ya pombe wakati wa ujauzito yanaweza kusababisha kujifungua kabla ya muda, ambapo mtoto anazaliwa kabla ya wiki ya 37 ya ujauzito.
– Kupoteza mimba au kufa kabla ya kuzaliwa:
Kuna ongezeko la hatari ya kupoteza mimba au mtoto kufa tumboni wakati wa ujauzito unapokunywa pombe.
Ni muhimu kwa wanawake wajawazito au wanaotarajia kuwa wajawazito kuepuka pombe kabisa wakati wa ujauzito ili kupunguza hatari au madhara haya. Hakuna kiasi cha pombe kinachojulikana kuwa salama kwa mtoto tumboni.
